درودوں کا عطیہ نعت

شفیع الوریٰ(ﷺ) کو درودوں کا عطیہ

شہِ دو سرا(ﷺ) کو سلاموں کا ہدیہ

ہمارے لیے مکہ چھوڑا انھوں نے

چلے بستی بستی ، پھرے قریہ قریہ

حبیبِ خدا ، محسنِ کل جہاں ہیں

وہ دن کی مشقّت ، وہ راتوں کا گریہ

چمکتا تھا چہرہ قمر سے زیادہ

بھویں ان کی لمبی ، گھنی اُن کی لِحیہ

جہاں ہم کو پہنچایا کردار اُن کا

نہ بھولے ہیں راوی محمد(ﷺ) کا حلیہ

”محمد(ﷺ) پہ قربان جاؤں سدا میں“

ہو وردِ زبانِ دل و جاں یہ قضیہ

عمل پاس کچھ بھی نہیں ہے ہمارے

اگر ہے تو اُن کی شفاعت کا تکیہ

ہے یہ سَرسَرؔی نعت ، لیکن الہٰی!

بنادے اسامہ کی بخشش کا فدیہ